Wishlist: MYNP (Make Your Nanay Proud)

Malabo pa sa mata ng lola ko ang nauna kong wish (na maging cover ng FHM). Eto pa ang isa kong wish na malabong matupad/suntok sa bwan - ang maging kaboses ni Juris. I wanna make my nanay proud too, y'know?

Maraming nagsasabi na 'di naman sya ganun kagaling pero para sa 'kin winner sya, 'di nga sya bumibirit gaya ng Aegis or ni Cheriz Peympeyngcoh (as Oprah and Ellen would pronounce it) pero swabeng-swabe sya kumanta. Nakakakanta naman ako ng konti pero di ganun kaganda para i-record at i-upload sa yuchoob at magkaron man lang ng 20 hits, alam mo 'yun? 'Di ko naman pwedeng pagbasehan ang score ko sa magic mic, kasi dun basta nasundan mo yung ilaw tyak na mataas ang score mo. Hmm, teka masyado ko naman atang nilalait ang kakayanan ko sa pag-awit. 'Di nyo naitatanong eh... kilala nyo ba si Rachelle Ann Go... o, hindi ko kaboses yun. lol. Pero naalala ko, nung nag-aaral pa 'ko ng Narsing at sakto namang December nun ay natapat ang duty namin sa National Center for Mental Health (oo, sa Mental Hospital 'yun!), syempre ang inyong lingkod na medyo may kakapalan ang mukha ay naatasang kumanta sa kanilang Christmas Party. Syempre pagkatapos ng aking mini concert ay standing ovation!!! Woohoo!! Eh pa'no ba naman karamihan sa audience ko ay mentally challenged, 'kala yata nila isa ako sa 'inmates' nila. Wahahah! O 'di kaya naman dahil nga sa wala sila sa kanilang katinuan eh napagkamalan nila akong si Mariah Carey, o ha?!

Hay naku, kung nakakabili lang ng boses na kagaya ng kay Juris eh talagang pag-iipunan ko. Andami nang sumikat at yumaman dahil sa angking talento sa pagkanta so syempre wish ko din 'yun. Pasensya na, ilusyonada lang.

Ay sya, pakinggan na lang natin si Juris. I'm sure her Momma is really proud of her.



From MYMP Website:
Julie Iris Fernandez (better known as Juris) hails from Davao and took her early education in Ateneo de Davao. She comes from a family of doctors and took BS Psychology in Miriam College as a pre-medicine course. Although she graduated a BS Psychology student, she pursued a career in music as a vocalist despite having no formal training in singing. Her cool and soft voice was eventually loved by the airwaves and the fans. Her quiet, simple and sweet appearance has made her appeal to the fans in their bar gigs and on TV. But despite all her success, she remains kind and fun-loving at heart.

Wishlist (na suntok sa buwan)

Libre mangarap 'di ba? Gasgas na nga ang linyang 'yan. At least sa pangarap, you can be who you want to be. Walang pwedeng makelam. Walang pwedeng kumontra.

Naisip kong gumawa ng wishlist na may two categories:

1) Suntok Sa Buwan - mga wish na alam kong malabong matupad.
2) Pwede! - mga wish na mabababaw at may pag-asang matupad.

At ibubuking ko sa inyo ang isa kong pangarap na suntok sa buwan - ang maging cover ng FHM. Bwahaha!

Grabe kaseseksi ng mga babaeng nagiging cover ano? Pero naisip ko na 'yung iba hindi naman yata talaga ganun kaseksi at kakinis, may daya yata ang peechur nila, gaya na lang nitong si Angelica Panganiban.




Ang nagagawa nga naman ng teknolohiya, oo.

Pero ako talaga promise gusto kong maging cover ng FHM kaso sobrang labo na mangyari 'yun dahil 'di naman ako nabiyayaan ng vavavoom na katawan. Syet!

Pero eto, inilagay ko na lang ang isa sa mga peechur kong naka-tupis sa isang magazine cover generator. Tingnan n'yo nga kung papasa na at pwede nang ihanay kina Anne Curtis at Angel Locsin. lol!



In my dreams, hahaha... in my wildest dreams.